Art Week Aruba 2026 ta bolbe na San Nicolas cu mas cu 100 artista
Recientemente, durante un conferencia di prensa, Artisa, hunto cu su partners, incluyendo Aruba Tourism Authority, a anuncia oficialmente e edicion 2026 di Art Week Aruba, cu lo tuma luga di 7 te 13 di september na San Nicolas. E evento di e aña aki tin como tema “Nature × « meets » Mankind”, cu lo explora e relacion entre naturaleza, hende y arte. Durante e siman lo tin diferente actividadnan, incluyendo moda y arte, culminando cu un Art Fair cu mas cu 100 artista, muralnan grandi y diferente presentacionnan artistico. San Nicolas lo bira un biaha mas e centro di e celebracion artistico, cu e meta pa sigui posiciona e distrito como un importante destino di arte den Caribe.
