Charla na MFA Savaneta ta enfoca riba proteccion di casnan historico y monumentonan
Conservacion di nos casnan historico y nos monumentonan ta esencial pa proteha identidad di Aruba y garantisa cu e siguiente generacionnan por sigui conoce e historia di nan pais. Durante un di e charlanan mas recien na MFA Savaneta, Prome Minister Mike Eman conhuntamente cu Minister Wyatt Ras tambe tabata presente, como tambe propietario y interesadonan a bin hunto y a haya informacion tocante e proceso pa un cas of edificio haya status oficial di monumento, kico e proteccion ta implica y ki pasonan mester sigui.
