Watersports Medida
Durante entrevista cu Telenoticia, Minister Wendrick Cicilia ta elabora ariba e importancia di e reunion aki, como tambe e pasonan cu ta wordo considera pa aumenta e siguridad maritimo na Aruba. Segun Minister Cicilia, durante e reunion a identifica diferente aspecto cu mester mehoracion, entre otro e control y e comunicacion entre e diferente departamento nan concerni. Cicilia ta enfatisa e importancia di un mihor intercambio di informacion y un colaboracion mas estrecho, pa asina e instancianan por actua di forma mas efectivo. Esaki ta esencial pa por garantiza cu companianan di watersports cu no ta cumpli cu e regulacionnan y ley nan estableci, por wordo controla y, ora ta necesario, enfrenta sancionnan. Minister Wendrick Cicilia ta elabora mas tocante e diferente mehoracionnan cu mester wordo implementa.
