E di tres edicion di Cuida Aruba
Gobierno di Aruba a anuncia oficialmente e di tres edicion di Cuida Aruba, cu lo tuma luga diabierna 25 y diasabra 26 di september, cu un yamada na comunidad pa sigui traha hunto pa mantene nos isla limpi y bon cuida. Durante un rueda di prensa, Prome Minister Mike Eman a presenta e edicion nobo hunto cu representantenan di Crisis Management Office, CEDE Aruba, Departamento di Obra Publico y Bureau City Inspector.
