AVP Ley Lap
Parlamentario di AVP John Hart a habri Aña Parlamentario 2026-2027 cu solicitud pa Parlamento trata un tema fundamental cu tin impacto directo riba seguridad financiero di miles di trahado den sector priva: revision di Ley di Pensioen General. Parlamentario Hart a solicita debate ta e revision di Landsverordening Algemeen Pensioen, e ley cu desde 2011 ta regula pensioen general pa trahadonan den sector priva. Segun e parlamentario tin aproximadamente 38.000 empleado sigura bou di e ley aki. Hart a trata e tema durante varios ocasion y a urgi gobierno pa institui supervision efectivo, pasobra trahadonan mester tin siguridad cu contribucion reteni for di nan salario ta wordo deposita debidamente den nan fondo di pensioen.
