Osdelly Lacroes lo representa Aruba na Jazz Festival na Caracas
Recientemente a tuma lugar un conferencia di prensa na Scol di Musica Rufo Wever en conexion cu Aruba a ricibi un invitacion di embahada Hulandes pa representa Aruba na un Jazz Festival na Caracas, Venezuela. E Jazz Festival tin como meta pa uni diferente paisnan a traves di musica y vocalista Arubiano Osdelly Lacroes, a ricibi e invitacion pa participa na e festival. Pa recauda fondo pa cubri e gastonan di su participacion, lo organisa un fundraising event dia 27 di september, na Cas di Cultura.
