Cambio di cartera: A kita Ministerio di Energia for di Baba Herdé y pas'e pa Arthur Dowers
Diamars ultimo dia 30 di september 2025, durante reunion di Conseho di Minister a dicidi di traspasa e cartera di energia di Minister Rene Herde pa Minister Arthur Dowers. E motibo no ta conoci, pero parce cu e ta mucho pisa pa Herde y como cu Dowers a cuminsa cu ne ora cu Mike de Meza no tabata ministeriabel, a opta pa pas’e bek p’e. Diabierna atardi na Edificio Eddie Briesen na San Nicolas a tuma luga un reunion di introduccion cu Minister drs. mr. Arthur Dowers y tur e entidadnan cu ta resorta bou di e Ministerio di Energia.
