Berm Henny Eman BLVD
Riba e celebracion di Dia di Rey tabata un bon momento pa duna importancia na sostenibilidad riba nos isla. Den cuadro di proyecto di reforestacion, Gobierno di Aruba hunto cu otro organisacionnan ta colaborando pa asina yega na e meta di planta 100 mil mata rond di Aruba. Aruba Airport Authority a adopta e berm cu ta situa pabou di e rotonde di Aeropuerto Internacional Reina Beatrix riba Henny Eman Boulevard, caminda en total, 101 mata lo wordo planta. Prome Minister Mike Eman, hunto cu Minister Rene Herde y Minister Geoffrey Wever a tuma e oportunidad pa planta un di e matanan riba e berm cu ta un Wayacá
