Ministre R. FORBIN réaffirme son engagement à promouvoir les candidatures haïtiennes.
Minis afè etranjè ak kilt la, Raïna FORBIN, resevwa, Herny Claude FLEURY, diplomat ayisyen ki kandida Ayiti nan komite konsiltatif pou kesyon administratif ak bidjetè (CCQAB) Nasyon zini, kote eleksyon yo prevwa fèt nan lane 2027.
Rankont sa a te pèmèt gen echanj ki fèt sou pakou Claude FLEURY, ki te kòmanse karyè diplomatik li nan ministè afè etranjè nan lane 1999.
Nan okazyon an, minis FORBIN, reyafime angajman l pou fè pwomosyon pou kandida ayisyen yo nan òganizasyon entènasyonal yo.
Kandidati sa yo chita sou konpetans ak eksperyans. Minis lan bay Claude Fleury asirans l ap soutni kandidati l epi l ap mobilize nan sans sa a rezo diplomatik ayisyen an.
