Watersports Control
Minister di Turismo, Transporte y Labor, Wendrick Cicilia, ta indica cu e controlnan maritimo a wordo intensifica, como parti di e esfuerzo pa aumenta siguridad riba lama. Un aspecto importante den e maneho aki ta e conducta di e personanan cu ta brinda servicionan y experiencianan na bishitantenan. Segun e minister, ta totalmente inaceptabel pa un dunador di servicio traha bou di influencia di alcohol of otro substancianan, y comportacion asina por trece consecuencianan y sancionnan conforme e regulacionnan vigente. Minister Cicilia ta elabora mas tocante e responsabilidad di e sector pa garantisa un experiencia sigur pa tur usuario di nos lama.
