Staatssecretaris di Relacionnan den Reino, Eddie van Marum a bishita Archivo Nacional di Aruba
Archivo Nacional di Aruba ta bai ta den centro di atencion durante di bishita di Staatssecretaris di Relacionnan den Reino, Eddie van Marum, e siman aki. “Un Pais cu ta kere den su futuro mester honra y warda su pasado. Pa motibo ey, e existencia di un archivo nacional na Aruba ta di gran importancia strategico y cultural”, Director di Archivo Nacional, drs. Raymond Hernandez a splica prensa. Drs. Hernandez ta splica cu un archivo nacional ta sirbi como e memoria oficial di un pais. E ta un luga na unda ta warda documentonan, potret, video y otro material historico na manera sigur y profesional, pa e informacion esencial di nos historia y identidad no bay perdi.
