“Agri-Innovation Park” lo bira un realidad
Manera ta conoci “Agri Innovation Park” lo bira un realidad. Ta algo tempo atras cu Gobierno di Aruba a anuncia cu sosten di TWO-Nederland lo duna inicio na e Proyecto aki cu ta cardinal den transformacion di e sector di agricultura pa un sector economico innovatico y asina contribui na diversifica Aruba su economia. Den un entrevista cu Minister Geoffrey Wever el a duna di conoce cu a haya e destinacion ideal pa cu esaki, cual ta un tereno den Santa Rosa mes y cu den september ta tuma lugar e destaho publico pa cu e Proyecto interesante aki.
