Traspaso casnan FCCA
Durante añanan varios habitante di casnan di pueblo rond di Aruba a haya chens pa cumpra e cas cu nan ta bibando aden pa hopi aña largo. Varios a tuma e oportunidad aki y a cuminsa e proceso pa cumpra nan cas for di Fundacion Cas Pa Comunidad Arubano. Despues di varios aña, hopi habitante a logra paga nan cas por completo, pero ora a yega pa haci e traspaso a encontra un contratempo pa logra esey, pues e tereno tabata riba nomber di Pais Aruba y a keda añanan asina. Desde cu Gabinete AVP-Futuro a sinta a pone como meta pa scucha e comunidad, pa haya sa kico ta nan preocupacion y pa atende cu nan. Un di e preocupacionnan cu a bin dilanti ta di e habitantenan di e casnan di pueblo. Prome Minister Sr. Mike Eman ta duna di conoce mas riba e proceso aki.
