Miguel Mansur: Tin incoherencia den e dos partidonan den coalicion
Ex Parlamentario, cu awor actualmente ta afo di politica, sr. Miguel Mansur, a keda invita pa pasa programa di Enfoke diamars merdia pa asina reacciona y duna su opinion tocante tratamento di e ley di LIM na parlamento. Siendo cu Mansur aworaki no ta den politica actualmente, no tin su partido Accion21 mas, e no debe ningun politico fabor, e no mester di placa pasobra e tin su propio cen – y fuera di tur esaki e tin e scol tambe y conocemento pa por splica na placa chikito con e ta mira e ultimo desaroyonan den nos parlamento. Pues un invitado ideal pa duna nos un bista neutral di loke a pasa dialuna den nos parlamento.
