Avion Militar di Merca den region lo cuminsa tin nan transponder cendi
Lo tin intesificacion di diferente ehercicio militar den region, esaki ta algo cu e comunidad mes tambe a tuma nota di dje. A tuma contacto cu Consul di Merca na Corsou relaciona cu e inkietud cu ta reina den e pueblo y asina a urgi Merca, a traves di canalan diplomatico pa avionan den nos espacio aereo tin nan transponders cendi. Un palabracion cu a logra y di cual lo tene nan mes na dje. Esaki specialmente despues cu den fin di siman a tuma lugar dos situacion den nos espacio aereo, caminda un avion priva tabata di cerca cu un avion militar cu transponder paga pero tambe un vuelo di JetBlue direccion pa New York despues di su salida for di Corsou a topa cu un air-tanker. Ambos incidente nan informacion a wordo suministra na toren di control cu na su turno a comparti informacion cu e canalnan oficial.
