Ceremonia solemne caminda a desvela e monumento restaura dedica na piscado nan cu a perde riba lama
Diaranson 14 di januari net den bahada di solo a tuma lugar un ceremonia solemne caminda a desvela e monumento restaura dedica na piscado nan cu a perde riba lama. Den presencia di famia y sernan keri, e monumento aki a wordo dedica tambe na e famia nan como homenahe duradero na nan perdida y legado. E monumento aki a wordo revela na Gouverneursbaai como un simbolo di respet y laso eterno entre lama y esnan cu ta biba di dje.
