Centro di Excelencia HOH
Despues di un aña di negociacion entre Horacio Oduber Hospital y Siemens Healthineers, a logra forma un aliansa strategico pa loke ta aparatonan diagnostico di radiologia y cardiologia. E cooperacion extenso cu ya tabatey pa mas di 30 aña a wordo reforsa mas ainda awo cu e meta pa establece un ‘Center of Excellence’ na Hospital di Aruba y tambe region. Pa cu esaki Siemens Healthineers a bishita Hospital cu a organisa un ‘kick off’ caminda durante varios dia a tene combersacionnan intensivo y a haci e prome pasonan concreto pa yega na realisa e acuerdonan cu a wordo traha.
