Reclassering: Banchi electronico lo brinda mas posibilidad specialmente pa hoben
Reclassering a introduci su proyecto ‘Smart Justice’ cu pa dia dos di februari lo introduci na Aruba e uzo di Enkelband of banchi electronico. “Nos ta finalmente contento cu Aruba tin su banchinan electronico, nos a haya un training basta intensivo e siman aki riba esaki”, segun Seraida Pemberton-Leonard, Directora di Reclassering, unda e ta referi na un training cu a ricibi for di expertonan di Inglatera, e compania Buddi. E proyecto ‘Smart Justice’ awor lo keda introduci na Aruba pa loke ta clientenan cu ta haya nan mes cu problema cu husticia, cuminsando cu nos hobennan.
