Dos incinerator nobo y moderno lo reforza maneho di desperdicio na Parkietenbos
Awe a tuma lugar na e planta di Aruba Wastewater Sustainabe Solution « AWSS » situa na Parkietenbos un ceremonia oficial di e progreso di insineracion moderno di desperdicio principalmente desperdicio medico. Nos di telenoticia tabata presente na e ocasion aki y a hiba un entrevista cu CEO di Utilities Aruba y tambe di AWSS N.V., Sr. Joseph Everon tocante e introducion di e facilidad aki y nos a ricibi un splicacion ariba e maneho di diferente tipo di desperdicio. Tambe Minister Arthur Dowers tabata presente na e cermonia y ta elabora ariba e proceso di e maneho di desperdicio, como tambe e impacto di e facilidad aki pa futuro di nos comunidad.
