Min Wever Freezone
Awemainta Minister di Finansa, Asunto Economico y Sector Primario, Geoffrey Wever como representante di pais Aruba como e unico accionista di Free Zone Aruba a anuncia e director nobo cu a drenta oficialmente den su funcion awe dialuna 2 di februari. Walter Mosher, ta un persona cu conocemento amplio den diferente sector. E ta un profesional Arubiano cu a traha den diferente compania priva rond di nos isla y ultimo tabata biba den exterior. Minister Wever ta duna di conoce cu e nombramento di un director nobo pa Free Zone Aruba ta un paso clave den e continuacion di e reformanan institucional di dicho compania.
