Nicole Hoevertsz lo coordina e Weganan Olimpico di Los Angeles 2028
Manera ta bon conoci, Secretaria General di Comite Olimpico Arubano (COA), Nicole Hoevertsz ta conoce un trayectoria largo como parti di Comite Olimpico Internacional (IOC) unda cu e ta un miembro desde aña 2006 y mas recien a fungi como Vice-Presidente di 2021 pa 2025. Cu un gran conocemento di e mundo Olimpico y su experiencia di hopi aña, Nicole a haya e tarea pa dirigi e comision di coordinacion cu ta organisa e Weganan Olimpico di Los Angeles 2028.
