Vuelo 870 di American Airlines ta haci Aterisahe di Emergencia
Den nos seccion di Suceso, awe un avion di American Airlines a haci un aterisahe di emergencia na Aeropuerto Internacional Reina Beatrix. Ta trata di vuelo 870 di American Airlines, cu finalmente a logra aterisa cu seguridad na aeropuerto di Aruba. Segun informacion preliminar, e avion a keda den aire pa mas di un ora, pa motibo cu e piloto a tuma e decision di dump e combustibel: un procedimiento standard cu ta wordo usa pa baha e peso di avion prome cu aterisa den un situacion di emergencia. Despues di e aterisahe, servicionan di emergencia tabata presente na aeropuerto como parti di e protocol normal pa situacionnan di e tipo aki. Te ainda no a duna hopi detaye riba e motibo exacto pa e aterisahe di emergencia, pero segun informacion preliminar, ta trata di un problema cu e « landing gear ». Autoridadnan ta sigui investiga e situacion mientras cu operacionnan na aeropuerto a continua normal
