Minister Wendrick Cicilia ta boga pa un "Dia di Descanso" pa nos naturalesa
Minister Wendrick Cicilia a presenta un proposicion pa transforma e concepto di turismo regenerativo den accionnan concreto pa Aruba. Segun e mandatario, turismo regenerativo mester uza e industria como un forsa pa mehora e destinacion, specialmente e ecosistemanan marino y e nivel di bienestar di e comunidad. E minister a enfatisa cu, maske Aruba a adopta e principio aki den varios documento pa añanan largo, a yega ora pa asumi liderazgo y pone e principionan aki den practica.
