Ceremonia Protocolario 18 maart
For di mainta trempan, Aruba a prepara pa celebra e fecha special di 18 di maart. Publico a aglomera den e area di Fort Zoutman y dilanti bestuurskantoor pa asina por mira Su Mahestad Rey Willem Alexander mas di cerca cu ta posibel y salud’e. Su mahestad a cuminsa un dia bastante druk for di mainta trempan caminda a atende e ceremonia protocolar dilanti bestuurskantoor cu discursonan, canto, baile y poesia. Nos crew di Team Telearuba a staciona e cameranan tur caminda, pa asina mustra henter Aruba con nos tur a celebra e ocasion special den cuadro di Aruba su 40 aña di Status Aparte y 50 aña di Himno y Bandera bou tononan di e mesun coro cu a canta Aruba su Himno pa prome biaha 50 aña pasa hunto cu e generacion nobo, bou direccion di e conductora emblematico di Aruba Sra. Maybelline Arends Croes. Aldric Werleman ta repasa e mihor momentonan di e Ceremonia Protocolar riba 18 di maart
