Ban Studia y EducationUSA habri porta pa studiantenan di Aruba
Cambiando pa e topico di educacion, recientemente Minister di Educacion Sra. Gerlien Croes, a oficialisa diabierna 20 di maart apertura di dos instancia educativo importante. EducactionUSA y Ban Studia. Ambos organisacion awor ta comparti nan sede den e monumento historico na Zoutmanstraat 1. E iniciativa aki a bira un realidad despues di a firma un MOU na 2025, cu e meta pa amplia oportunidad nan pa studiante nan di Aruba. Pa medio di e dos instancia nan aki, hoben nan lo ricibi e guia necesario pa sigui cu nan estudio den exterior of pa continua cu nan estudio aki na Aruba of den region.
