Escritora Marina Easly Harrington dona buki pa stimula Spaño
Biblioteca Nacional Aruba a ricibi un donacion special di buki pa mucha, ofreci pa escritor Marina Easly Harrington, cu tin como meta stimula e desaroyo di idioma Spaño entre muchanan na Aruba. E donacion ta consisti di diferente buki educativo y di lesa, cu ta enfoca riba mehora comprension y habilidad di papia spaño. Segun e escritor, e iniciativa ta busca pa motiva mucha pa lesa mas y na mesun tempo yuda nan desaroya un miho base den idioma Spaño, algo cu ta importante tanto den educacion como den comunicacion diario. E bukinan lo ta disponibel pa mucha di diferente edad cu bishita Biblioteca Nacional Aruba.
