HISTORICO: Aruba ta hunga prome biaha na Africa!
Actualmente, Nos Seleccion Nacional di futbol ta na Rwanda, East Africa, pa participa den e competencia di FIFA Series 2026. Un momento historico pa nos Seleccion Nacional. Ta e prome biaha Aruba ta hunga un partido riba continente di Africa, y ta di dos biaha cu nos ta enfrenta un pais di Asia. Ta hasi un aña cu Aruba a topa Cambodia, unda nos seleccion a logra un victoria di 2 pa 1 na Cambodia. Awor, e equipo ta busca sigui traha riba e resultado positivo aki mientras nan ta prepara pa e siguiente reto internacional. Durante conferencia di prensa na Rwanda, Head Coach Marvic Bermudez y Capitan di Seleccion Matthew Lentink ta conta con e equipo ta prepara intensamente pa e competencia, a enfatisa e bon ambiente den grupo y e determinacion pa representa Aruba na nivel internacional.
