Minister Mervin Wyatt-Ras ta participa den Purple Day Aruba
Awe 26 di maart ta dia internacional di concientisacion di Epilepsia. Pa cu esaki Fundacion Epilepsia y tambe Minister di Salubridad Publico Sra. Mervin Wyatt-Ras conhuntamente cu Scol Paso pa Futuro a celebra un movemento mundial pa asina crea conscientisacion di Epilepsia. Tabata tin un demostracion pa asina educa e alumno nan di e scol un poco mas kico pa haci na momento cu un conoci of alumno haya un atake di Epilepsia pa nan no spanta sino, con por yuda sostene e alumno. Nos di Telenoticia tabata presente y a hiba un entrevista cu Minister Mervin Wyatt- Ras, como tambe directora di Scol Paso Pa Futuro Sra. Doris Franken y Sra. Marilla Solognier di Fundacion Epilepsia, pa asina haya sa un poco mas ariba e movemento di « Purple Day ».
