Bondscoach Marvic y Nickenson Paul ta reacciona tras victoria historico na Rwanda
Nos a haya e oportunidad pa entrevista e bondscoach y un hungador di nos seleccion nacional di futbol na momento cu nan a yega bek na Aruba, despues di a logra un resultado historico na Rwanda. Aruba a titula campeon di FIFA Series 2026 Grupo B, despues di un presentacion solido y disciplina riba tereno. Durante nan yegada, e bondscoach a expresa su orguyo pa e team y a enfatisa cu e victoria aki ta resultado di trabou duro, preparacion y compromiso di tur jugador cu a representa Aruba cu honor. Tambe nos a papia cu un di e hungador di e seleccion esta Nickenson Paul, caminda a indica cu e team a keda concentra durante e competencia, y cu e union den e team a yuda nan supera e diferente reto nan.
