DVG: Come bon, paga menos y cambia bo slok
Y den Salud…Den un entrevista cu Dahariana Evertz di Departamento di Salud Publico (DVG) a elabora riba e campaña cu nan tin actualmente titula “Come bon, paga menos y cambia bo slok”. Durante e entrevista, a splica cu e meta principal di e campaña ta pa motiva comunidad pa hasi esnan escogencia mas saludabel ora di hasi compras y ora di come, sin cu esaki mester nifica gasto mas halto. Segun DVG, hopi biaha tin e mentalidad cu come saludabel ta mas caro, pero cu e campaña aki ta mustra hustamente e contrario.
