Tres dia di sterilisacion gratis pa pushi
Den un entrevista cu Rommer Vasquez di VSH Veterinary y Geraldine Kock cu ta Vice Presidente di Nine Lives Foundation, ta elabora riba e campanja “Cat Only Sterilization Clinic” cu lo tuma luga entrante 15 te cu 17 di april. E iniciativa aki tin como meta pa reduci e poblacion di pushi di caya riba nos isla, y na mes momento promove bienestar di animalnan den comunidad. Durante e tres dianan di e clinica, lo ofrece sterilisacion pa pushi macho y hembra totalmente gratis, loke ta considera como un paso importante pa preveni reproduccion descontrola y tambe pa mehora salud di e animalnan.
