Conoce Bo Futuro! Oportunidad na EPB Hato
Den entrevista cu diferente unit manager di EPB Hato, a comparti informacion tocante e oportunidad educativo cu e scol ta brinda na su studiantenan. Durante e entrevista, cada unit manager a elabora riba nan programa respectivo, mustrando con EPB Hato ta enfoca riba desaroyo practico y teoretico pa prepara hobenan pa e mercado laboral. Nan a destaca e importancia di combinacion di estudio cu experiencia real, pa asina forma profesionalnan competente y prepara pa futuro. Ademas, EPB Hato ta haci un invitacion na tur hende pa nan “Open Dag” cu lo tuma lugar diarason 29 di april proximo. Durante e dia aki, bishitantenan lo tin e oportunidad pa conoce e scol di cerca, papia cu maestro y studiantenan, y haya un miho idea di e direccionnan di estudio disponibel.
