Scol SPO ta recauda fondo pa drecha diferente infrastructura di scol
Scol Practico pa Ofishi – Santa Cruz ta organisando un actividad di bingo cu meta di recauda fondo pa mehora e infrastructura di e scol y crea un ambiente mas sigur y agradabel pa tur su studiantenan. Segun e organisadornan, e fondo cu lo wordo recauda lo wordo usa pa drecha diferente structuranan dentro di e scol, segurando cu e espacio ta den bon condicion y sigur pa uso diario di e muchanan. Ademas di esaki, e iniciativa tambe tin como obhetivo pa amplia e opcionnan di wega recreativo durante orario di scol, pa asina contribui na un miho balansa entre estudio y recreacion.
