A lanta Taskforce pa continua cu revitalisacion di Oranjestad y San Nicolas
E taskforce a wordo estableci via un decreto ministerial como parti di e implementacion di politica di gobierno pa 2025–2028. Su obhetivonan principal ta pa desaroya y ehecuta un strategia integral pa fortifica siguridad, convivencia, calidad turistico, y habitabilidad den e centronan di Oranjestad y San Nicolas. Responsabilidadnan ta inclui coordinacion di accionnan social, preventivo y di siguridad, y desaroya un plan di accion especifico pa e periodo 2025-2027.
