Evelyn Wever-Croes: Gobierno entrega concepto di ley na Rijksministerraad sin consulta Parlamento
mr. Evelyn Wever-Croes, Lider fraccion di MEP a bay entrega un keho diabierna na gobernador di Aruba contra e forma cu ta trapando parlamento su democracia. E keho ta contra gobierno cu no ta aplica transparencia y tambe contra parlamento cu ta purba silencia oposicion. E parlamentario ta haya cu gobierno ta hungando un wega peligroso caminda nan ta bay perde sosten pa loke nan ta purbando di busca. El a mustra su descepcion den presidente di Parlamento Marlon Sneek kende Wever-Croes ta bisa di tin hopi respet p’e, y no por kere di con el a hiba e reunion aki. MEP cu PPA a pidi un reunion pa loke ta Rijkswet basta luna pasa, nan a hay’e porfin y despues di 30 minuut parlamento ta dicidi di pospone esaki
