Tres fundacion a crea aliansa pa combati problema di cacho riba caya
Animal Welfare Alliance Aruba (AWAA) na Tanki Leendert ta un iniciativa caminda tres diferente fundacion; Crioyo Trappers, SGT Pepper’s Friends, y United Dogs Aruba a bini hunto pa engrandece e trabao haci pa combati problema di cacho riba caya. Aruba ainda tin un problema grandi cu cacho y pushi riba caya, y ainda mas ta keda nace. AWAA t’ey pa yuda preveni cu tin mas cacho y pushi chikito ta nace indesea y pa tambe minimalisa e problema riba caya, cu meta pa elimina esaki por completo pronto.
