Prome Minister Mike Eman y Prome Minister Demisionario Dick Schoof ta anuncia un decision historico
Prome Minister demisionario di Hulanda Dick Schoof tabata di bishita na Aruba recientemente y conhuntamente cu Prome Minister di Aruba Sr. Mike Eman a anuncia un decision historico pa termina definitivamente e epoca di refinacion di petroleo na Aruba. Gobierno di Aruba lo desmantela e ex refineria na Sanicolas y lo redistina e tereno aki pa desaroyo sostenible y inclusivo. Gobierno di Aruba a solicita asistencia di experto nan di Gobierno Hulandes pa garantisa un desmantelacion y limpiesa di tereno cu siguridad como tambe pa prepara e proceso di destaho internacional a e re-desaroyo di e area. Ademas Gobierno Hulandes ta tratando e peticion di Aruba pa cu asistencia tecnico y lo contribui cu 50 miyon Euro di un fondo special pa transicion energetico, destina pa fortifica y modernisa e red di electricidad y e infrastructura di energia sostenibel.
