ADRA Graduacion
Recientemente a tuma lugar un ceremonia pa celebra 8 mama hoben cu a termina e proyecto di ADRA, esta Agencia pa Desaroyo y Recurso Asistencial. E proyecto aki ta dedica pa mamanan hoben cu a stop di bay scol debi cu a haña yiu na un edad hoben. Pues ADRA ta duna oportunidad na e hoben nan aki, pa asina desaroya nan mes cu diferente habilidadnan manera cosemento, beyesa, cushina, etica y hopi mas. Mirugia Leocadia-Zink, director di ADRA Aruba, a splica mas ariba e ocasion y tambe e resultado di e proyecto aki dedica na e 8 mama hoben nan.
