AHATA su CEO ta di opinion cu tur hende mester paga nan parti pa loke ta trata impuesto
Cada miembro den nos comunidad tin e deber pa cumpli cu impuesto. Di e ciudadano ehemplar t’e na e comerciante cu ta brinda servicio na nos turista nan y trabou pa nos localnan. Pa AHATA ta importante cu tur esnan cu ta den e sector turistico ta contribui cu nan parti di impuesto y den e area aki esnan cu no tin un grip total riba dje ta esnan di vacation rentals. Tisa LaSorte, CEO di AHATA ta di opinion cu na momento cu tur esnan den e sector tin e mesun gastonan, entre nan impuesto e ora esaki ta bira un competencia real y husto.
