Apertura Socotoro Familt Health
Un etapa nobo y importante a cuminsa pa Socotoro Family Health na Oranjestad. E practica medico, cu a habri su portanan pa prome biaha na 1984 como un eenmanspraktijk bou di liderazgo di dokter di cas Glenn van Trigt, awor a evoluciona pa un modelo moderno di HOED –
Huisartsen Onder Een Dak. Bou di e nomber nobo Socotoro Family Health, tres dokter di cas – Sr. Joaquin van Trigt, Sra. Joke Hertogen y Sra. Jillian Jones – a uni forsa pa ofrece un cuido medico mas amplio, coordina y enfoca completamente riba e pashent. Cu un equipo di dokter nan di cas, assistentnan, verpleegkundigen y Praktijkondersteuners Huisartsen (POH) pa cuido somatico y salud mental, e centro ta brinda cuido integra na mas di 7.000 pashent. Ademas, e edificio a wordo renoba completamente. Nos di Telenoticia tabata tey presente y a hiba un entrevista cu dr. Joaquin van Trigt na unda ta elabora ariba e vision tras di e transicion aki, e importancia di colaboracion den cuido primario y con Socotoro Family Health ta prepara pa e futuro di cuido medico na Aruba.
