Ban Bek Caya Comerciante
Diamars merdia a tuma luga un reunion entre Prome Minister Mike Eman hunto cu Minister di Economia Geoffrey Wever cu e comerciantenan cu ta forma parti di e actividad di Ban Bek Caya. E creatividad/feedback di cada comerciante ta contagioso, locual ta haci cu gobierno di su banda tambe ta duna tur nan empuhe pa sigui engrandece e actividad aki. E siguiente Ban Bek Caya ta programa pa diabierna awo, dia 8 di augustus y lo ta dedica na Back to School, cu lo conta cu un sin di oferta pa prepara pa e aña escolar nobo. Durante di e reunion, comerciantenan a expresa algun preocupacion y idea con pa mehora aspecto pero tambe con pa traha hunto pa promove aun mas e bunita actividad aki pa famianan y mundo comercial den Caya Betico Croes.
