Biblioteca Nacional Aruba ta celebra 40 aña di identidad y historia den comunidad
Diamars tabata un dia special y yen di alegria na momento cu a recorda un cambio historico pa un di e institucionnan mas importante di nos isla. Minister di Enseñansa, mr. Gerlien Croes, a compaña e celebracion aki pa conmemora cu exactamente 40 aña pasa, Biblioteca Nacional Aruba a ricibi su nomber actual. E cambio aki no tabata djis un asunto di nomber, sino un simbolo di e autonomia cu Aruba a logra na aña 1986. Na momento cu nos pais a haya su Status Aparte, hopi departamento di gobierno a pasa den transformacion grandi pa refleha e identidad nobo di Pais Aruba.
