Campaña di BAR activo durante temporada di campamento
Durante un entrevista cu Rulienne Arends Trahador Preventivo di FADA, a indica cu pa e temporada di campamento aki nan lo ta activo cu e campaña BAR – Bo Amigo Responsabel, cu tin como meta pa crea mas consciencia tocante consumo responsable di alcohol. Segun sra Arends, e iniciativa ta enfoca riba preveni situacionnan peligroso y motiva hende pa tuma decisionnan responsabel ora nan ta sali. Ademas, ela a agrega cu si persona ta bay sali y dal drinks, ta importante pa keda consciente y busca un amigo of un famia confiabel pa yuda garantisa un regreso seguro. Rulienne Arends ta elabora mas tocante e campaña y e recomendacionnan pa e temporada di campamento.
