CorpGov.aw: Plataforma nobo pa transparencia y control
Recientemente a tuma lugar e lansamento oficial di e website corpgov.aw cu ta un plataforma nobo pa fortalece e bon gobernacion na Aruba. Minister di Finansa, Sr. Geoffrey Wever ta elabora ariba e website aki cu lo fungi como un centro digital pa ofrece guia, instrumento practico y informacion pa directornan y supervisor nan den compania nan estatal. Segun Minister Wever, e inciativa aki ta forma parti di un enfoke mas structura pa mehora transparencia, profesionalismo y maneho responsabel di participacion nan gubernamental.
