DCPR / Nouvelles dispositions
Direksyon Santral Polis Routyè (DCPR) entèdi patikilye mete sirèn oubyen jiwofa nan machin oubyen moto ki pa anbilans,ponpye oubyen veyikil lapolis.
Responsab yo raple mezi sa ki chita sou atik 152 alineya E dekrè 26 me 2006 la ki sou kòd wout la, nan yon kontèks kote ensekirite a pa sispann brase bil peyi a.
Enspektè prensipal Jean Patricq Jean-Louis, raple gen gwo sanksyon lalwa prevwa pou moun ki pa chwazi pliye anba mezi sa pandan l raple kondiktè yo dwe gen yon pi bon konpòtman lè yo sou vwa piblik la.
