Dede riba Pulso Ep 01
28 di maart pasa a marca un aña di e compromiso di Gobierno AVP-FUTURO pa traha cu determinacion, transparencia y sentido di responsabilidad. Esaki pa supera retonan hereda y construi un futuro mas fuerte pa tur ciudadano di Aruba. Hustamente esaki ta e motivacion pa tene “dede riba pulso” di e forma con ehecutivonan di Gobierno ta cumpli cu nan prioridadnan. Sin lubida puntonan clave den e acuerdo di Gobernacion manera drecha poder di compra y diversifica economia. Tur diaranson anochi pa 07:00PM un Minister di Gabinete AVP-FUTURO lo ta serca nos pa nos tene dede riba pulso di nan progreso despues di un aña den Gobierno.
