Dialogo social: A apunta SVB como e supervisor di e Ley di Pensioen General (LAP)
Ley di Pensioen General (LAP) ta den un proceso di un revision. Na e momentonan aki tin 38.000 empleado cu ta sigura bao di e Ley di Pensioen General (LAP) cu a wordo introduci na 2011. E ley aki a wordo introduci den Gabinete Mike Eman I pa motibo cu hopi empleado den sector priva no tabata tin derecho riba un pensioen banda di pensioen di behes (AOV). LAP a wordo introduci pa sigura cu doño di trabao y empleado cera un seguro di pensioen pa e empleado.
