Awe mainta Departamento di Impuesto a tene un rueda di prensa p’asina duna informacion encuanto e pago di numbernan di auto pero na mes momento e ultimo dia cu por maneha bo vehiculo di motor cu e number cora cu blanco. A inicia dunando un resumen di e trabou nan cu ta ensera e plachi number desde december 2024 t’e cu 31 di augustus ultimo. E aña aki DIMP a introduci e sistema di cita pa cual tabata pa asina crea un structura mihor y mucho mas eficiente, tur esaki mirando e experiencia di pasado con hopi persona tabata keda warda ora nan largo pa ricibi nan number. Relacionista Publico di DIMP, Meverly Romano ta duna di conoce con e tempo a bay.
