Diseñador Ronchi de Cuba cu colleccion nobo pa cu Aruba Fashion Week 2025
E fin di siman aki Aruba ta bira e centro international di moda cu Aruba Fashion Week, un evento cu ta atrae bishitante nan for di tur parti di mundo y asina experiencia un fin di siman jena cu moda y creatividad. Ariba pasarela lo tin un mescla di diferente diseñador y modelo nan local y internacional, cada un cu su propio estilo. Nos di telenoticia a haya e oportunidad di entrevista un di nos diseñador iconico den moda, Ronchi de Cuba y asina haya sa e inspiracion tras di su collecion nobo cu lo laga un impression inolvidable ariba pasarela diasabra 13 di december.
