Gouvernance Group/Célébration de la Journée international des droits humains
Gouvènans Gwoup selebre, jedi 11 desanm nan, Jounen entènasyonal dwa moun yo.
Plizyè dizèn jèn ak reprezantan Òganizasyon nan sosyete sivil te rasanble pou make jounen sa.
Gouvènans Gwoup,yon òganizasyon ki angaje pou yon gouvènans ki plis chita sou lalwa, mete aksan sou dwa tout moun, espesyalman dwa fanm ak timoun epi dwa tout moun pou patisipe nan lavi politik peyi a.
Youn nan responsab Gouvènans Gwoup yo,Sarah Thyrza Dérival, ki t ap entèveni nan okazyon an, mete aksan sou nesesite pou jèn yo konnen dwa yo, pandan l denonse vyolasyon yo epi mande otorite yo pran responsabilite pou mete estrikti ki ka pwoteje yo.
